Wat is ware Liefde?


Wat is ware liefde ?

Dis darem nou ‘n onderwerp waaroor ‘n mens lekker kan skryf. Hoe anders dan, elke tweede storieboek is ‘n soet sappige verhaal en om nie eers te praat van die flieks wat draai nie, elke een se hoof tema is iets te doen met die liefde. Dit kan mos nie anders om jou vlinders in jou maag te gee nie.
Dink bietjie daaroor? Wanneer laas het jy ‘n skiet, skop en don*&^% fliek gesien waar daar nie ‘n tikkie romanse in was nie?

Ek moet seker ook nou nie te veel op hol gaan nie, maar die feit bly staan dat daar ‘n daadwerklike verskil tussen  ware liefde en verlief wees is. Ons almal weet dit mos nou al?  Julle ma’s het julle tog ook vertel dat daai ou waarop jy jou hart verloor het en wie natuurlik ook jou hart gebreek het, net kalwer liefde was, en die ware liefde kom nog. Natuurlik verskil my eie dogter vandag ook met my, sy glo mos in die staduim dat haar kalwer liefde en verliefdheid diè absolute ware Jakob is . Arme ding.

Kom dit by ’n liefdesbesluit neem is dit tog  beter om ’n bietjie daaroor te twyfel. Ek dink  tog baie mense wonder seker maar.

Dis om daai besluit te neem, om grense oor te steek en dan die risiko te loop om verwerp te word en seer te kry. Vir baie is dit net die normale vrees voor die groot stap wat hulle onseker maak, maar vir ander is dit ’n groter probleem. Soms is hulle net bang dat hulle op die rak gaan bly sit en vir ander gaan dit suiwer oor wat hulle uit die verhouding kan kry. Geld en status kan natuurlik ’n belangrike rol speel. Dan is daar die wat net hoop dat die verhouding hulle omstandighede sal verbeter. En natuurlik kry jy altyd die wat sommer net halsoorkop in ’n ding instap.

Die realiteit en die waarheid is dat ware liefde ‘n wilsbesluit is en nie net ‘n gevoel is wat jou oorweldig nie. Ware liefde verg moed en werk om jouself bloot te stel aan ‘n ander.

Dan natuurlik glo ek dat dis onmoontlik om iemand anders waarlik lief te hê as jy nie vir jouself ook lief is nie.
My gevolgtrekking is dat ware liefde is :
om aandag te gee, regtig te luister en tyd te maak vir daai spesiale ander persoon. Dis nie bloot om net te gee nie, dit gaan eerder daaroor om oordeelkundig te gee en ook om oordeelkundig te weerhou. Die belangrikste is om te weet dat LIEFDE is wat LIEFDE doen.

So vir jou my pop ‘n boodskappie hieronder :

IT SUCKS WHEN YOU KNOW

THAT YOU NEED TO LET GO

BUT YOU CAN’T

BECAUSE YOU’RE STILL WAITING FOR THE

IMPOSSIBLE TO HAPPEN!!!!!!!

 
Liefde

Wilma

Opmerkings

Plaas 'n opmerking

Gewilde plasings van hierdie blog

Brief aan Pa

Liewe Pappa Ek het hierdie hele naweek aan jou gedink en so gewens ek kon die foon optel en met jou praat of vir jou SMS. (Ek dink jy sou nogal BBM of Whatsup gelike het.) Ek het gelê en top oor of ek vir jou 'n brief moet skryf of nie en toe besluit ek om jou begrafnis blaadjie uit te haal en die briefie wat ek daarin vir jou geskryf het op my blog te sit. Ek weet Oom Jan se dood en begrafnis van Vrydag maak sekerlik my verlange erger of dalk is dit bietjie jaloesie want nou is hy mos by pa en kan julle op "catch". Ek dink aan almal op die begrafnis wat ek lank laas gesien het en ek soms wens ek kan meer sien..... dis familie en jy weet ma se familie is 'n anderste klomp. Hoe sal ek sê : Sout van die aarde en mense wat kan saam staan as dit moet, dis soos 'n “pack of wolves” wat hulle terrein afmerk en beskerm, maar kyk as daar honger is, sal hulle nie skroom om mekaar te eet nie, oooeee nee tog dit klink nie reg nie, ek kan nou net imagine hoe pa lag v...
Lees meer

'n Bucket List

Nou lê ek vanoggend van 3 uur af en dink wat sal 'n mens nou 'n "bucket list" in Afrikaans noem. Wel die naaste wat ek kan dink is "emmer lys." So staan ek toe maar op en kom google dit en ja wragies lyk vir my dit is wat die meeste afrikaanse mense dit noem 'n emmer lysie. Maar ek hou meer van "bucket list" so ek gaan praat van 'n "bucket list". Het julle al daaraan gedink? Nie aan die afrikaanse woord nie, maar aan 'n "bucket list" ? Miskien is dit nie iets wat almal aan dink nie of was die term nie alom bekend nie, maar nadat die fliek "The bucket list" met Morgan Freeman en Jack Nickolson uitgekom het was daar maar min mense wat nie geweet het wat 'n bucket list is nie. Nou ja, vir die wat dalk nie weet nie, ek twyfel of daar is, maar ek wil dit anyway neerpen, dit is 'n lys van aktiwiteite wat jy wil doen voor jy die emmer skop, m.a.w  voor jy doodgaan. Laat ek nou vir julle goeie advi...
Lees meer

Ek stel myself voor

Ek wil  net dankie sê dat jy gekliek het tot hier. Aangename kennis, ek is Wilhelmina Magdalena van der Walt.  Dit is bietjie formeel en dis regtig nie my doel met die blad nie. Dis nie dat ek regtig skaam kry vir my naam nie, of dalk is dit, maar vriende en familie noem my sommer Wilma of Willa, Willies of soos die familie aan my ma se kant Mienkie. Vir die blog bly ons sommer by Wilma. Dit is vir my 'n lekker en 'n eer om vandag dan nou my eerste post te maak. Kom ek val sommer met die deur in die huis. Wees gewaasrsku, hierdie blog mag letterkundiges na hulle asems laat snak want 'n taalkundige is ek nie en ek hou daarvan om dinge te sê soos ek dit sien of beleef of wat ook al.   So nou wonder julle hoekom ek wat Wilma is nou my eie "spoeg" blog begin het?   Dis nou nie dat ek 'n huisvroutjie by die huis is met niks om te doen nie. (Nou insinueer ek ook nie dat alle huisvrouens niks het om te doen nie,...
Lees meer