Het jy al hieroor gewonder?

Dis nou al 'n geruime tyd wat ek aan allerhande dingetjies dink wat ek oor “wonder” en nou “wonder” ek of ander mense ook al daaroor “gewonder” het, ek het nie antwoorde op die dinge waaroor ek wonder nie, maar dink tog dis 'n lekker onderwerp om oor te “blog”.

Nou laat ek begin :

1.    Ek hou nie van verloor nie, in teen deel ek haat dit om te verloor. Ek haat dit ook om op te gee, ek redineer dat solank as wat daar 'n moontlikheid kan wees en is, sal ek aanhou.  Nou wonder ek as een van my geliefdes breindood verklaar word en ek moet besluit of die masjiene afgeskakel moet word wat ............ ?

2.    Ek  is op een van daai TV “wen” programme en ek word gevra ...... MONEY or the BOX, ek wonder ..............?

3.    Ek wonder as ek 'n ander rigting gekies het in 1988 .............?

4.    Ek wonder hoekom word karre wat in SA vervaardig word vir goedkoper in die buiteland verkoop as hulle uitgevoer word as 20km van die fabriek af .... ?

5.    Ek wonder waar al daai een- een sokkies se maats is wat wegraak na ‘n was.......?

6.    Ek wonder hoekom jy nie kan skuld maak as jy nie skuld het nie .....?

7.    Ek wonder hoekom daar 'n van soos Kleingeld is .........?

8.    Ek wonder hoe party mense kan lieg sonder om te blik of te bloos ....?

Gelukkig verknies ek my nie oor alles waaroor ek wonder nie, want baie waaroor ek “wonder” kom tog neer op 'n besluit en wat ek ook al op daardie staduim sal besluit of besluit het sal en het ek by berus, want as ek  eers begin wonder aan die ....“as ek maar........” wat is “as”? As is verbrande hout.  

Ek sluit af met ‘n paar komiese “wonders”, lees dit bietjie en gaan “wonder” daaroor.

Tot volgende keer

ekke

Sal jy moord pleeg om die Nobel prys vir vrede te wen ?

Is dit beter om geld te leen by ‘n pessimis ?  (Ja, want hy verwag dit in elk geval nie terug nie.)

Gewonder wat is “’n Gewete” ? (Dis die deel van jou lyf wat seer kry as die res baie lekker kry.)

Wat is die spoed van nag ? (Who cares?)

Hoe weet jy as jou onsigbare ink klaar is ? (Hou op wonder, niemand gebruik dit in alle geval nie.)

 As alles lyk of dit goed verloop hoekom is dit altyd dat jy iets miskyk ?

Wat is depressie ? (Dis eindelik maar net woede sonder entoesiasme.)

Wat gebeur as jy jouself halfpad doodskrik … tweekeer ?

Al ooit gewonder hoekom vra fortuinvertellers altyd wat jou naam is ?

Wat is ondervinding ? (Dis iets wat jy kry nadat jy dit nodig gehad het.)

Hoekom wil jou tiener nie jou raad volg oor haar keuse van 'n kêrel nie? (Sy aard na jou)

Opmerkings

Plaas 'n opmerking

Gewilde plasings van hierdie blog

Brief aan Pa

Liewe Pappa Ek het hierdie hele naweek aan jou gedink en so gewens ek kon die foon optel en met jou praat of vir jou SMS. (Ek dink jy sou nogal BBM of Whatsup gelike het.) Ek het gelê en top oor of ek vir jou 'n brief moet skryf of nie en toe besluit ek om jou begrafnis blaadjie uit te haal en die briefie wat ek daarin vir jou geskryf het op my blog te sit. Ek weet Oom Jan se dood en begrafnis van Vrydag maak sekerlik my verlange erger of dalk is dit bietjie jaloesie want nou is hy mos by pa en kan julle op "catch". Ek dink aan almal op die begrafnis wat ek lank laas gesien het en ek soms wens ek kan meer sien..... dis familie en jy weet ma se familie is 'n anderste klomp. Hoe sal ek sê : Sout van die aarde en mense wat kan saam staan as dit moet, dis soos 'n “pack of wolves” wat hulle terrein afmerk en beskerm, maar kyk as daar honger is, sal hulle nie skroom om mekaar te eet nie, oooeee nee tog dit klink nie reg nie, ek kan nou net imagine hoe pa lag v...
Lees meer

'n Bucket List

Nou lê ek vanoggend van 3 uur af en dink wat sal 'n mens nou 'n "bucket list" in Afrikaans noem. Wel die naaste wat ek kan dink is "emmer lys." So staan ek toe maar op en kom google dit en ja wragies lyk vir my dit is wat die meeste afrikaanse mense dit noem 'n emmer lysie. Maar ek hou meer van "bucket list" so ek gaan praat van 'n "bucket list". Het julle al daaraan gedink? Nie aan die afrikaanse woord nie, maar aan 'n "bucket list" ? Miskien is dit nie iets wat almal aan dink nie of was die term nie alom bekend nie, maar nadat die fliek "The bucket list" met Morgan Freeman en Jack Nickolson uitgekom het was daar maar min mense wat nie geweet het wat 'n bucket list is nie. Nou ja, vir die wat dalk nie weet nie, ek twyfel of daar is, maar ek wil dit anyway neerpen, dit is 'n lys van aktiwiteite wat jy wil doen voor jy die emmer skop, m.a.w  voor jy doodgaan. Laat ek nou vir julle goeie advi...
Lees meer

Ek stel myself voor

Ek wil  net dankie sê dat jy gekliek het tot hier. Aangename kennis, ek is Wilhelmina Magdalena van der Walt.  Dit is bietjie formeel en dis regtig nie my doel met die blad nie. Dis nie dat ek regtig skaam kry vir my naam nie, of dalk is dit, maar vriende en familie noem my sommer Wilma of Willa, Willies of soos die familie aan my ma se kant Mienkie. Vir die blog bly ons sommer by Wilma. Dit is vir my 'n lekker en 'n eer om vandag dan nou my eerste post te maak. Kom ek val sommer met die deur in die huis. Wees gewaasrsku, hierdie blog mag letterkundiges na hulle asems laat snak want 'n taalkundige is ek nie en ek hou daarvan om dinge te sê soos ek dit sien of beleef of wat ook al.   So nou wonder julle hoekom ek wat Wilma is nou my eie "spoeg" blog begin het?   Dis nou nie dat ek 'n huisvroutjie by die huis is met niks om te doen nie. (Nou insinueer ek ook nie dat alle huisvrouens niks het om te doen nie,...
Lees meer