Ek stel myself voor


Ek wil  net dankie sê dat jy gekliek het tot hier. Aangename kennis, ek is Wilhelmina Magdalena van der Walt.  Dit is bietjie formeel en dis regtig nie my doel met die blad nie. Dis nie dat ek regtig skaam kry vir my naam nie, of dalk is dit, maar vriende en familie noem my sommer Wilma of Willa, Willies of soos die familie aan my ma se kant Mienkie. Vir die blog bly ons sommer by Wilma.

Dit is vir my 'n lekker en 'n eer om vandag dan nou my eerste post te maak.
Kom ek val sommer met die deur in die huis. Wees gewaasrsku, hierdie blog mag letterkundiges na hulle asems laat snak want 'n taalkundige is ek nie en ek hou daarvan om dinge te sê soos ek dit sien of beleef of wat ook al.
 
So nou wonder julle hoekom ek wat Wilma is nou my eie "spoeg" blog begin het?
 
Dis nou nie dat ek 'n huisvroutjie by die huis is met niks om te doen nie. (Nou insinueer ek ook nie dat alle huisvrouens niks het om te doen nie, glo my ek dink daar is meer voltydse werkende vrouens wat minder doen by die werk as wat huisvrouens by die huis doen.)
 
Die eintlike rede is dat ek nie altyd so goed slaap nie en gewoonlik so van 3 uur in die oggend begin ek dink aan allerande dinge wat ek oor kan skryf. Dan begin ek dit maar skryf in my gedagtes, want sien pappa hier langs my hou nie daarvan dat ek te veel rondrol nie, wat nog van die lig aanskakel. 
 
Nou ja toe besluit ek hoekom nie my eie blog begin nie. Dan kan ek wanneer die slaaploosheid my tref voor die rekenaar inskuif en sommer net dinge skryf! Dinge waaraan ek dink of dinge wat my laat dink!
 
Wees gewaarsku ek gaan my frustrasies sekerlik ook uitspel en mag dalk redelik ongeskik voorkom maar nou ja dis hoekom dit my blog is. Sodat ek kan "spoeg" soos ek wil.

Oe ek kan nie wag om te begin met alles en nog meer nie, dit gaan omtrent 'n belewenis wees!
Tot weersiens, nou gaan ek rus tot die slaaploosheid my tref  (mag dalk eers oor 'n paar dae wees) dan kuier ek weer!

Groete

Wilma 
 
     

Opmerkings

Plaas 'n opmerking

Gewilde plasings van hierdie blog

Brief aan Pa

Liewe Pappa Ek het hierdie hele naweek aan jou gedink en so gewens ek kon die foon optel en met jou praat of vir jou SMS. (Ek dink jy sou nogal BBM of Whatsup gelike het.) Ek het gelê en top oor of ek vir jou 'n brief moet skryf of nie en toe besluit ek om jou begrafnis blaadjie uit te haal en die briefie wat ek daarin vir jou geskryf het op my blog te sit. Ek weet Oom Jan se dood en begrafnis van Vrydag maak sekerlik my verlange erger of dalk is dit bietjie jaloesie want nou is hy mos by pa en kan julle op "catch". Ek dink aan almal op die begrafnis wat ek lank laas gesien het en ek soms wens ek kan meer sien..... dis familie en jy weet ma se familie is 'n anderste klomp. Hoe sal ek sê : Sout van die aarde en mense wat kan saam staan as dit moet, dis soos 'n “pack of wolves” wat hulle terrein afmerk en beskerm, maar kyk as daar honger is, sal hulle nie skroom om mekaar te eet nie, oooeee nee tog dit klink nie reg nie, ek kan nou net imagine hoe pa lag v...
Lees meer

'n Bucket List

Nou lê ek vanoggend van 3 uur af en dink wat sal 'n mens nou 'n "bucket list" in Afrikaans noem. Wel die naaste wat ek kan dink is "emmer lys." So staan ek toe maar op en kom google dit en ja wragies lyk vir my dit is wat die meeste afrikaanse mense dit noem 'n emmer lysie. Maar ek hou meer van "bucket list" so ek gaan praat van 'n "bucket list". Het julle al daaraan gedink? Nie aan die afrikaanse woord nie, maar aan 'n "bucket list" ? Miskien is dit nie iets wat almal aan dink nie of was die term nie alom bekend nie, maar nadat die fliek "The bucket list" met Morgan Freeman en Jack Nickolson uitgekom het was daar maar min mense wat nie geweet het wat 'n bucket list is nie. Nou ja, vir die wat dalk nie weet nie, ek twyfel of daar is, maar ek wil dit anyway neerpen, dit is 'n lys van aktiwiteite wat jy wil doen voor jy die emmer skop, m.a.w  voor jy doodgaan. Laat ek nou vir julle goeie advi...
Lees meer